Американскиот потпретседател Џеј Ди Венс ги опиша случувањата во Минеаполис како „констуиран хаос“, тврдејќи дека станува збор за директна последица на дејствување на „крајно леви агитатори“ во соработка со локалните власти.
Во објава на социјалната мрежа Икс, Венс наведе дека ваквата состојба е „единствена“ за Минеаполис и повторно ја обвини власта во Минесота дека ја спречува соработката меѓу локалната полиција и федералната Служба за имиграција и царина (ICE).
Во меѓувреме, државните и федералните институции изнесуваат спротивставени информации за настаните што ѝ претходеле на смртта на Алекс Прети, за која истрагата сè уште е во тек.
Смртта на Прети се случи помалку од три недели по убиството на Рене Гуд, која беше застрелана од агент на имиграциската служба во Минеаполис — случај што дополнително ја зголеми тензијата и вниманието кон улогата на федералните имиграциски органи во сојузната држава.
Властите во Минесота ги отфрлаат обвинувањата дека ја блокираат соработката со федералните агенции, наведувајќи дека нивните политики се во согласност со државниот закон и имаат за цел зачувување на јавната безбедност и довербата во заедницата.