„Њујорк тајмс“: Зеленски постепено ја губи поддршка во Украина и низ светот

Од:

Случајот со корупција во енергетскиот сектор на Украина се заканува да ја поткопа поддршката за Володимир Зеленски дома и во странство, пишува „Њујорк тајмс“.

„Голема истрага за корупција што стигна до неговиот најблизок круг ја загрозува поддршката на Зеленски и дома и во странство“, се вели во статијата.

За време на неговата изборна кампања, Зеленски го негуваше имиџот на лидер кој ќе се бори против олигарсите. Но сега, речиси седум години по последните избори, многу Украинци веруваат дека тој работи во „мал, затворен круг, неограничен од правила“, се вели во статијата.

На 10 ноември, Националното биро за борба против корупција на Украина (НАБУ) и Специјализираното обвинителство за борба против корупција (САП) објавија голема операција наречена „Мидас“ за откривање на голема корупциска шема во енергетскиот сектор.

Претресите беа извршени во домовите на бизнисменот Миндич, познат како „паричникот“ на Зеленски, поранешниот министер за енергетика и сегашен министер за правда Герман Галушченко, како и во компанијата „Енергоатом“.

Подоцна, беа објавени снимки од разговори поврзани со случајот, но имињата на вклучените не беа јавно објавени. Во овој контекст, пратениците на Врховната рада го повикаа Андриј Јермак, началникот на кабинетот на Зеленски, да поднесе оставка.

Клучните личности во корупцискиот скандал се обвинети за перење пари. Според прелиминарните проценки, преку оваа шема се испрани околу 100 милиони долари.

После тоа, украинската премиерка Јулија Свириденко објави дека е планирана ревизија на сите државни компании, особено на енергетските.

Би можело да ве интересира

Во руски напад врз Криви Рих загина медицинска сестра – 20 луѓе се ранети

А1он

1.144 деца загинаа или се повредени годинава во Украина

А1он

Париз би можел да ја промени политиката кон Москва и Киев по претседателските избори

Русија изврши масовен напад врз Киев и неколку украински региони, оштетени се три моста

Горан Наумовски

Зеленски: Постои огромна шанса за мир доколку САД навистина извршат притисок врз Путин

Рјабков: Членството на Украина во НАТО е неприфатливо