Кандидатот на СДСМ за општина Центар, Горан Герасимовски, ќе се натпреварува во вториот изборен круг против кандидатот на движењето ЗНАМ, Мирослав Лабудовиќ.
Герасимовски им се заблагодари на граѓаните кои му ја дале довербата и го оцени изборниот ден како мирен и успешен.
„Среќен сум што граѓаните на Центар, како и секогаш, одлучија да излезат на изборите и да донесат вистинска одлука. Центар денеска победи. Денес извојувавме убедлива победа – победивме на 95 проценти од избирачките места“, изјави Герасимовски.
Тој ги повика граѓаните да се обединат во вториот круг, за, како што рече, „да се продолжи со развојот и напредокот на општината“.