Дождот не помогна многу во гаснењето на пожарот на депонијата Дрисла. Директорот на Дирекцијата за заштита и спасување Стојанче Ангелов вели дека и претходните денови многу тони вода се исфрлени на депонијата, но чадењето продолжува. Тој вели дека се преземаат други мерки.
Во скопските населби Аеродром, Ново Лисиче, Драчево, Кисела Вода и Центар се чувствува неподнослива смрдеа на запалена гума и чад. Жителеите постојано се жалат на лошата миризба и загадениот воздух.
Ангелов синоќа рече дека причина за смрдеата во Скопје е тоа што ветрот го сменил правецот и дувал од депонијата кон Скопје.