Израелските сили денес, трет ден по ред, продолжуваат со нападите и рациите врз селото Ал-Мугаир североисточно од Рамала во окупираниот Западен Брег, објавија арапските медиуми.
Заменик-претседателот на селскиот совет на Ал-Мугаир, Марзук Абу Наим, изјави за палестинската новинска агенција Вафа дека израелските сили извршиле рации во повеќе од 30 домови од утрово, со закани и провокации, објави Ал Џезира.
Израелските војници уништиле возила на жителите, а според Абу Наим, израелските булдожери продолжиле да го расчистуваат патот од областа Ал-Рафид до Каласун, целосно уништувајќи ги маслиновите насади.
Тој додаде дека израелските сили во четвртокот почнале со булдожерирање на источната рамнина Ал-Мугаир, претежно под маслинови насади.