Унгарскиот министер за надворешни работи Петер Сијарто ги поздрави разговорите меѓу рускиот претседател Владимир Путин и специјалниот претставник на САД, Стив Виткоф, нарекувајќи ги „добри вести за сите, особено за Централна Европа“.
Во објава на Фејсбук, Сијарто рече дека сите го следеле состанокот во Москва претходниот ден со големо внимание и дека извештаите донеле „олеснување за сите, особено за оние што живеат во непосредна близина на војната“, објави МТИ.
„Добро знаеме дека светот станува побезбедно место ако има дијалог на високо ниво меѓу САД и Русија“, рече Сијарто.