Вицепремиерот и министер за надворешни работи на Италија, Антонио Тајани, денес изјави дека Израел би направил сериозна грешка ако одлучи да ја окупира Газа.
Обраќајќи се пред новинарите во Долниот дом на Парламентот, Тајани повтори дека Италија не е подготвена да ја признае државата Палестина, објави Анса.
„Признавањето на Палестина кога Палестина не постои е правна фикција, не е политичка одлука. Ние сме за палестинска држава, тоа е јасно, тоа го кажуваме со години“, нагласи тој.