Британскиот премиер Кир Стармер денес изјави дека Велика Британија работи со Јордан на планови за воздушен транспорт на помош за Појасот Газа, откако повеќе од една третина од пратениците потпишаа писмо со кое ја повикуваат владата да ја признае палестинската држава.
Стармер, исто така, рече дека „ги забрзува напорите“ за евакуација на деца во итна медицинска потреба во Велика Британија.
Мал тим британски воени планери и логистичари е ставен на располагање за да му помогне на Јордан да достави помош на територијата, објави Би-Би-Си.