Најновите информации од Центарот за управување со кризи покажуваат дека до 13 часот на територија на државата активни се шест пожари, а четири се ставени под контрола.
ЦУК информира дека евидентирани се вкупно 14 пожари.
Активни се пожарите на планината Готен кај селото Нивичино, потоа кај селото Бешиште во општина Прилеп, кај селото Црешнево во општина Македонски Брод и меѓу селата Драгоево и Селце во општина Штип.
Остануваат активни и пожарите кај селото Јунузлија во општина Карбинци и кај селото Гумалево во општина Зелениково.
По контрола се пожарите меѓу селата Царевиќ и Смолани во општина Прилеп, меѓу селата Локвица, Крапа и Црешнево во општина Македонски Брод и исто така и кај селото Грешница, како и меѓу селата Церово и Групчин во општина Желино.