Украинскиот претседател, Володимир Зеленски изјави дека рокот од 50 дена за воведување санкции против Русија е само „губење време и човечки животи“, бидејќи рускиот претседател Владимир Путин „не е подготвен за компромис“ и ја продолжува војната.
Зеленски изјави за „The Post“ дека претседателот на Соединетите Американски Држави, Доналд Трамп, „има моќ“ да го забрза воведувањето на строги санкции што би можеле да предизвикаат „социјална експлозија“ во Русија и да го „присилат“ Путин да ја заврши војната.
Украинскиот лидер тврдеше дека руската војска ги таргетира цивилите и првите реагирачи, користејќи секундарни напади со експлозивни беспилотни летала, додека Путин го „лаже“ Трамп за неговата подготвеност за мировни преговори.
Зеленски рече дека ги разбира чувствата на претседателот, велејќи дека Трамп верува дека Русите се „способни да ја завршат“ војната – но дека всушност, тие немаат желба да го сторат тоа.
Украинскиот претседател Володимир Зеленски денес изјави дека Олга Стефанишина, вицепремиерка на Украина задолжена за евроатлантски интеграции, ќе биде новиот амбасадор на Украина во Соединетите Американски Држави.
Зеленски напиша на Телеграм дека ја назначил Стефанишина за амбасадор во САД за да може таа да развива односи со Вашингтон.
Тој рече дека потребните процедури за назначување на Стефанишина се во тек, објави Ројтерс.
Демобилизацијата ќе биде можна дури по завршувањето на војната, а дотогаш е потребна систематска и висококвалитетна ротација на војниците, изјави украинскиот претседател Володимир Зеленски денес во обраќањето до пратениците во Врховната рада пред гласањето за избор на нова влада.
„Нашиот народ, херои, војници, ќе се вратат дома кога ќе го победиме непријателот, а тоа е (рускиот претседател Владимир) Путин. Нема непријател во нашата земја… Нашите херои заслужуваат квалитетни ротации“, рече Зеленски како одговор на прашања од пратениците, пренесува Укринформ.