Македонската фудбалска репрезентација со скок од пет места на најновата ранг-листа на ФИФА, Сега „Рисовите“ се наоѓаат на 62. место во светскиот фудбал.
По нерешените 1:1 со Белгија во Скопје и минималната победа од 1:0 на гостувањето кај Казахстан, Македонија собра 15,21 поени повеќе од претходното рангирање. Тоа го донесе скокот на табелата.
Зад Македонија останаа Јамајка, Албанија, Буркина Фасо.
На врвот на ФИФА листата без промени, Аргентина е прва пред Шпанија и Франција.
Најголем скок забележа Костарика која се искачи 14 места и сега е 40-та во светот.
Наредното рангирање ќе биде објавено на 18 септември.