Силно невреме ја погоди денес Србија, а бурата, проследена со обилни дождови и град, го погоди и Белград. Драматични снимки од силното невреме кружат на социјалните мрежи.
Големото невреме што го погоди главниот град крши и урива сè на својот пат, па покрај крановите и контејнерите, најпогодени се и дрвјата. Во некои делови од градот, налетите на ветерот надминаа 100 км/ч.
На пример, на улицата Јуриј Гагарин во Нов Белград, ветерот искорна огромно дрво, по што падна врз возило. Поради силното невреме, во Лединa се урна покрив. Како што може да се види на видеата објавени на социјалните мрежи, силните ветрови создале песочна бура. А според најновите информации, се урна и кран на градилиште.