Руски борбен авион Су-34 се урна за време на воена вежба во регионот Нижни Новгород, објави руската државна новинска агенција Риа Новости, повикувајќи се на руското Министерство за одбрана.
„Авионот Су-34 се урна во регионот Нижни Новгород за време на планиран воена лет. Додека се приближуваше кон слетување, се појави дефект во системот за слетување. Екипажот се обиде неколку пати да го поправи дефектот во лет, но ситуацијата не се промени. Затоа, го однесоа авионот на безбедно место и се катапултираа“, се вели во соопштението на министерството.
Авионот не носел муниција и се урна во ненаселена област.
Иако првичните извештаи велеа дека двајцата членови на екипажот преживеале, рускиот медиум Маш подоцна објави дека еден од членовите на екипажот починал од повредите.
Рускиот Су-34 е советски ловец-бомбардер со среден дострел. Несреќите со авиони и хеликоптери станаа почести во Русија од почетокот на целосната инвазија на Украина и последователното воведување на западните санкции.
Според британските разузнавачки служби, Русија изгубила повеќе од 30 авиони Су-34 од почетокот на целосната инвазија во 2022 година.