Службата за безбедност на Украина денес објави дека го нападнала воениот аеродром Кировск на Крим со беспилотни летала, уништувајќи три руски борбени хеликоптери Ми-8, Ми-26 и Ми-28.
Во соопштението од Службата за безбедност на Украина, објавено на Телеграм, се наведува дека нападот уништил и самооден ракетен комплекс Панцир-С1, пренесува Укринформ.
Во извештајот се наведува дека пожарот ги оштетил локациите на авијациската компонента, системите за воздушна одбрана, складиштата за муниција, како и руските извидувачки и ударни беспилотни летала.