Рускиот претседател Владимир Путин денес за време на разговорот со потпретседателот на Јужна Африка, Пол Машатиле, изјави дека зајакнувањето на врските со африканските земји е приоритет за Русија.
За време на разговорот со Машатиле, во рамките на Меѓународниот економски форум во Санкт Петербург, Путин рече дека односите меѓу Русија и Република Јужна Африка се развиваат успешно, пренесува РИА Новости.
„Односите меѓу Русија и Република Јужна Африка успешно се развиваат врз основа на принципите на сеопфатно стратешко партнерство, еднаквост и меѓусебно почитување“, рече Путин.
Путин, исто така, рече дека е во постојан контакт со претседателот на Република Јужна Африка, Сирил Рамафоса.
Претходно, Путин одржа целосни разговори со индонезискиот претседател Прабово Субианто.