Руското Генерално обвинителство го прогласи Британскиот совет за непожелна организација на територијата на Руската Федерација.
Според обвинителството, советот работи „под маската“ на образовни и културни активности, додека всушност ги промовира британските политички интереси, вклучително и поддршката за забранетото ЛГБТ движење и обидите за дискредитација на руската политика, објави Интерфакс.
Како што е наведено во соопштението, Британскиот совет, иако се претставува како независна организација, е финансиран од британското Министерство за надворешни работи, кое е одговорно пред британскиот парламент и дејствува во согласност со приоритетите на владата на Обединетото Кралство.