Болницата „Ал-Авда“, последната функционална здравствена установа во северна Газа, престана со работа, соопшти денес Светската здравствена организација (СЗО).
СЗО соопшти дека болницата „Ал-Авда“ ги прекинала операциите во четврток и дека пациентите и здравствените работници биле евакуирани таа вечер од безбедносни причини, објави „Скај њуз“.
Организацијата соопшти дека затворањето на болницата „прекинува витален животен појас за жителите“ на северниот дел од Појасот Газа и повика на заштита на болницата и безбедноста на нејзиниот персонал и пациенти.