Во 35. коло од шпанската Ла Лига, Барселона на домашен терен го победи Реал Мадрид со 4:3 во неверојатна партија.
Гостите поведоа преку Килијан Мбапе, а истиот играч погоди и за 2:0 во 14. минута, но потоа дојде до голем пресврт за Барселона.
Најпрвин погоди Ерик Гарсија, па Ламине Јамал, а потоа до крајот на првото полувреме Рафиња со два гола им нареди целосен пресврт на Каталонците.
Во продолжението од играта Мбапе го постигна третиот гол за хет-трик, но Барселона сепак забележа голема победа која ја доведе на седум бодови пред Реал.
Ханси Флик, тренерот на Барселона, го коментираше натпреварот:
„Ова е за навивачите и за играчите. Фантастично е. Реал Мадрид има одличен тим. Успеавме да се вратиме по поразот со 2-0, и по натпреварот против Интер кој траеше повеќе од 120 минути. Не беше лесно да се справиме со тоа, но направивме одлична работа. Ќе мора да проверам како ми е срцето” – изјави Флик и додаде:
„Мислам дека треба уште многу да се подобриме, особено во одбраната. Кога притискаме, сè функционира, но кога правиме грешка, особено со првиот гол, сè станува комплицирано“.