Белорускиот претседател Александар Лукашенко денеска потпиша закон за помилување на речиси 8.000 затвореници по повод 80-годишнината од победата во Втората светска војна, јави белоруската агенција „Белта“.
За поголемиот дел од осудените, главни услови за примена на амнестија се целосно надоместување на штетата предизвикана од кривичното дело, како и препорака со позитивен карактер во периодот на издржување на казната.
Законот предвидува ослободување од казнување и други мерки на кривична одговорност или ублажување на казната за сторени кривични дела кои не претставуваат голема јавна опасност или се помалку сериозни за одреден број категории осуденици.