Железничкиот сообраќај во Шпанија влезе во втор ден на хаос откако беа украдени кабли на линијата Мадрид-Севилја, што доведе до големи доцнења и вчера и днеска. .
Според соопштението на шпанските железници, инцидентот погодил повеќе од 10.000 патници на 30 железнички линии.
За кражбата на каблите зборуваше и министерот за транспорт на Шпанија, Оскар Пуенте, кој рече дека кражбата се случила на четири локации, сите во провинцијата Толедо.
Hemos sufrido un acto de grave sabotaje en la línea de alta velocidad Madrid Sevilla. 4 robos de cable en puntos distintos en un radio de 10 km. Puntos Kilométricos 92-850, 93-600, 101-400 y 102-200. Son los sistemas de seguridad de la línea. La afectación a los trenes que aún… pic.twitter.com/rfUpBFoiZR
— Oscar Puente (@oscar_puente_) May 4, 2025
„Ова е сериозен чин на саботажа и влијанието врз возовите ќе биде многу сериозно. Цивилната гарда ги истражува настаните“, изјави тој.
Шпанското јавно сообраќајно претпријатие „Адиф“ соопшти дека сите работници работат на решавање на проблемот.
Извори од Управата за железничка инфраструктура за агенцијата ЕФЕ велат дека кражбата била откриена во 17 часот и 45 минути во неделата и дека се проценува дека се украдени околу 300 метри кабел во радиус од 10 километри.
„Иако беа украдени 300 метри кабел, имаше и други помали кражби на различни точки долж пругата. Тоа предизвика сериозни оштетувања на безбедносните системи“, наведуваат оттаму.
Инцидентот се случил само неколку часа пред почетокот на саемот во Севилја, со традиционалното палење на светилките и меѓу луѓето кои се враќале од првомајските празници.
Покрај овие две железнички линии, во неделата беа погодени и други средни и долги линии што ја поврзуваат Андалузија. Претседателот на Андалузија, Морено Бонила, побара од владата да обезбеди алтернативни начини за да стигне до главниот град на Андалузија.
Хаосот на железничките линии низ Шпанија доаѓа само неколку дена откако земјата се соочи со прекин на електричната енергија што ја доведе активноста во целосен застој речиси еден ден.