Израелската армија во последните денови почна да испраќа наредби за мобилизација до резервистите, планирајќи да повика десетици илјади од нив како подготовка за проширена офанзива против палестинското движење Хамас во Појасот Газа, објавија вечерва израелските медиуми.
Резервисти треба да бидат испратени да ги заменат регрутите или активните војници низ целата земја, како и на окупираниот Западен Брег, за да можат овие војници и регрути да бидат испратени да се борат во Појасот Газа.
Роднините на некои резервисти потврдија за агенцијата Франс Прес дека е примен повик за мобилизација, додека израелската армија ниту ја потврди ниту ја негираше веста.