Три лица загинаа кога мал авион се урна во реката Плате јужно од Фремонт, соопшти канцеларијата на шерифот на округот Доџ.
Несреќата се случи синоќа, а телата на загинатите се пронајдени и извлечени од реката, пишува ABC News.
Идентитетот на жртвите се уште не е соопштен.
Федералната управа за авијација (FAA) и Националниот одбор за безбедност на транспортот (NTSB) ја презедоа истрагата за причините за несреќата, која се уште не е позната.
Локалните власти апелираа до граѓаните да ја избегнуваат областа околу местото на несреќата додека трае истрагата.