Најмалку три лица се убиени во вторникот во пукање во средното училиште Вилмер-Хачинс во Далас, Тексас, соопшти полицијата.
Во извештајот на американската ТВ мрежа CBS се наведува дека семејствата на учениците биле повикани да се држат подалеку од кампусот, а децата се евакуирани.
Цитирајќи неименувани извори во полицијата во Далас, Си-Би-Ес објави дека се пријавени најмалку три жртви, а во тек е потрага по ученик кој наводно пукал од огнено оружје внатре во училишниот кампус, но оваа информација не е официјално потврдена.
Според евиденцијата за испраќање 911, повикот бил примен нешто пред 13:10 часот, а полицијата потврдила дека „се активирале безбедносните протоколи“ поради пукање во средното училиште во блокот 5500 на патот Лангдон.
Воздушните снимки покажуваат присуство на повеќе агенции околу училиштето, вклучително и службите за итна медицинска помош, агенти од Федералното биро за алкохол, тутун, огнено оружје и експлозиви (ATF) и полицијата во Далас, пренесува Танјуг.