Жителите на местото Бердањск, на брегот на Азовското море се збунети и уплашени од необична појава, морето наеднаш стана црвено како крв.
Народот е во страв затоа што оваа чудна појава ја толкува како знак дека во државата се подготвува некое зло или несреќа, објави порталот EnglishRussia. Порталот кој излегува на англиски јазик, објави и неколку фотографии од читатели.
Руските научници тврдат дека се работи за ретка, но природна појава. Велат дека е можно во морето да е испуштен некаков отров од кое се зацрвенело.