„Нели ви реков дека ќе се извлечам. Ни митралез ништо не ми може. Кога ќе ви каже Бата, така е!
Вака актерот кој секогаш преживуваше во филмовите, низ смеа испрати порака дека победи и во последната битка-мозочниот удар. Три недели по шлогот неговата состојба е стабилна, иако лекарите не му даваа многу шанси. Тој во понеделник излегува од болницата во Белград.
„Поминаа три недели кои се сметаат за критични кај мозочниот удар. Тој е моментално добро, но се работи за хроничен болесник кој има и дијабетес и проблем со периферните артерии.
Успорени му се мислата и говорот, но е полн со дух и делува оптимистички“, изјави за српски Блиц , директорот на болницата Свети Сава во Белград.
Здравствената состојба на Бата Живојиновиќ ги загрижила и Кинезите, така што за познатиот Валтер имало многу посети во српската амбасада во Пекинг каде што луѓето носеле писма и слики за да му пренесат дека се молат за него.