Со паролите „Не го силувајте Центар“ и „Слобода за Шипо“, точно напладне, опозицијата предводена од Зоран Заев, го започна протестот пред Основниот суд Скопје 1.
Протестот е предупредување до власта да не ги злоупотребува институциите и преку кривичниот прогон на општина Центар да изврши преземање на општината.
Иако не беше планирано, претседателот на СДСМ, Зоран Заев и на претседателот на ЛДП, Андреј Жерновски, влегоа на средба со претседателот на Основниот суд Скопје 1, Владимир Панчевски, на која сакаат да посочат на непотребната мерка притвор за Мирослав Шиповиќ, кој се враќаше доброволно од САД кон аеродромот во Скопје, иако знаеше дека ќе биде уапсен.
Претседателот на судот им кажал дека се постапувало по барањето на обвинителството.
Полицијата иако тврдеше дека нема меѓународна потерница, сепак Шиповиќ беше уапсен на аеродромот во Виена на пат за Скопје. По приведувањето и неговата сопруга го испуштила летот за Скопје и се очекува да пристигне вечерва.
Бојан Стојановски