Српскиот премиер Ивица Дачиќ изрази надеж дека Италија ќе посредува во преговорите за евентуална посета на албанскиот премиер Еди Рама во Белград.
Премиерот Еди Рама изрази желба да ја посети Србија и ние прифативме, изјави Дачиќ за италијански медиуми во пресрет на заедничката седница на италијанската и српската влада во вторник во Анкона.
Дачиќ истакна деак Италија може да помогне во тоа благодарение на своите традиционално добри односи со Тирана. Српскиот премиер истакна дека Србија прави големи напори во областа на регионалната соработка и помирувањето.
Односите меѓу земјите во регионот никогаш не биле подобри, изјави српскиот премиер, алидирајќи на новите партнерства што Србија ги договори со Словенија, Хрватска и Босна и Херцеговина.