Шестмина луѓе загинаа во налетот на силниот циклон Фаилин, кој вчера го погоди источниот брег на Индија. Петмина загинаа од искорнати дрва, а една повозрасна жена била затрупана под урнатините на една зграда.
Поради стихијата евакуирани се 800.000 луѓе од крајбврежните региони на сојузните држави Ориса и Андра Прадеш. Циклонот е придружен со ветрови кои се движат со брзина од 200 километри на час.
Во спасувачките операции вклучени се 10.000 војници, 40 авиони и 20 хеликоптери.