Железничкиот транспорт во планинската провинција Тирол во западна Австрија утрово е во прекин поради обилните снежни врнежи, невообичаени за почеток на октомври.
Повеќе од 22.000 домаќинства во Тирол се без електрична енергија. Австрискиот метеоролошки институт вчера предупреди од снежни врнежи на Алпите во западна Австрија.
Утрово во Зефелд, на 1.200 метри надморска висина измерена е снежна прекривка од 52 сантиметри, а по улиците на Инсбрук, на 500 метри надморска висина, има десет сантиметри снег.
Во текот на денот се очекува да престане да паѓа снег и да се зголемат температурите.