Во Белград денеска ќе се одржи Конференција на шефовите на полициите на земјите од регионот на Југоисточна Европа, која заеднички ја организираат министерствата за внатрешни работи на Србија и Италија.
Конференцијата ќе ја отвори српскиот премиер и министер за внатрешни работи Ивица Дачиќ, а на отварањето на собирот на учесниците ќе им се обратат и директорите на српската и на италијанската полиција, Милорад Вељковиќ и Алесандро Панса.
Пред почетокот на конференцијата, како што се наведува во соопштението на српското МВР, Дачиќ ќе се состане со шефот на италијанската полиција Панса.
Покрај од Србија и Италија на конференцијата ќе учествуваат и претставници на полициите на Македонија, Албанија, Босна и Херцеговина, Бугарија, Грција, Молдавија, Романија, Словенија, Унгарија, Хрватска и Црна Гора.