Црногорската православна црква остро денеска го нападна севселенскиот патријарх Вартоломеј кој по осветувањето на Соборниот храм во Подгорица повика на единство на православните цркви во Црна Гора и почитување на каноните. Патријархот Вартоломеј рече дека „никој нема власт да создава нови православни цркви на просторот на Црна Гора“.
– Патријархот се замислува дека е вселенски авторитет на кој треба сите да му се покоруваат, и бара бесповратна послушност и одрекување од сопствената совест и слобода за сметка на белградската патријаршија која со неговите претходници повеќепати тргуваше со разни томоси за автокефалност, изјави потпретседателот на ЦПЦ за порталот на ТВ Црна Гора.
Тој додаде дека ЦПЦ не ги интересираат ставовите на севселенскиот патријарх.
– Му порачуваме дека неговите компетенции завршуваат во границите на Турција чиј државјанин е. Вартоломеј треба да знае дека никогаш во историјата Турчин не ни ги решавал црковните прашања, па нема ниту сега, нагласи Вучиниќ.