Кошаркарите на Фенербахче и Оклахома Сити Тандер одиграа контролен меч во Исанбул, на кој НБА тимот забележа победа со 95:81.
Македонскиот репрезентативец, Лестер Бо Мекејлеб, одигра одличен натпревар за Фенербахче, со 13 поени тој беше втор стрелец на тимот, зад Бојан Богдановиќ кој постигна 19 поени.
Мекејлеб, на паркетот мина 24 минути и покрај 13-те поени, тој зад своето име запиша уште 2 скока, 3 асистенции и 4 украдени топки.
Кевин Дурент со 24 поени и 8 скока ја предводеше Оклахома, а покрај него двоцифен број на поени постигна уште само Серж Ибака, шпанскиот репрезентативец мечот го заврши со 15 поени и 6 скока.
Оклахома во Истанбул најстапи со најсилниот состав, едниствено во тимот го немаше Расел Вестбрук, кој поради операцијата на коленото ќе го пропушти стартот од сезоната.