Во рамки на проектот „Жолтото е зелено“, сите вработени во Општина Кичево, во ЈП „Комуналец“ и во училиштата, денеска спроведоа акција за чистење, која вклучуваше поголем дел од улиците на градот.
Градоначалникот на општина Кичево, Фатмир Дехари, на вработените им подели обврските во врска со чистењето, а и самиот помагаше за чистење на дел од градот.
„Ние како општинска администрација имаме преземено акција за почист град, бидејќи ова е нашето секојдневие. За жал, секој ден ги поминуваме овие улици и забележуваме голема нечистотија за која сите ние сме одговорни, бидејќи вакви активности не се преземени од пред независноста на Македонија. Сакаме да влијаеме на свеста на граѓаните да го почитуваат законот за јавна чистота. Сакам да ги известам граѓаните дека од понеделник, во соработка со МВР Кичево, ќе има систематски контроли низ градот и сите што не го почитуваат овој закон ќе бидат казнети“ – рече Дехари.
Во акцијата не учествуваа другите јавни установи од Кичево, кои не се под локалната власт.
Fatlume Dervishi