Мнозинството Израелци поддржуваат унилатерална воена интервенција врз Иран, покажуваат резултатите од денеска објавената анкета, откако израелскиот премиер Бенјамин Нетанјаху изјави во ОН дека неговата влада е подготвена да делува сама.
Околу 65 проценти од вкупни 500 израелски Евреи анкетирани од провладиниот весник „Хајом“, поддржуваат воен напад за запирање на иранската нуклеарна програма и 84 отсто веруваат дека Иран нема намера да се откаже од намерата да создаде нуклеарно оружје.
Израел и голем број Западни земји го обвинуваат Техеран дека се обидува да разработи нуклеарно оружје, што Иран го негира, тврдејќи дека неговата нуклеарна програма е за мирни научни цели.
Нетанјаху во вторникот во рамките на своето обраќање пред Генералното собрание на ОН изјави дека Израел е подготвен да делува самостојно со цел да го запре Иран во создавање на нуклеарно оружје.