Финалисти на квалификациите во Евролигата се екипите на Литвос Ритас и Остенде.
Тие денеска во полуфиналните натпревари постигнаа победи и за двете екипи ова беше втор триумф во квалификациите.
Литвос Ритас го совлада Олденбург со 99:87 (23:20, 30:26,18:19 и 28:22), додека Остенде во второто полуфинале во драматична завршница славеше над Банвит со 82:80 (21:21;19.21; 23:23 и 19:15).
Финалето се игра утре со почеток во 19:30 часот, а победникот од дуелот Литвос Ритас – Остенде ќе биде дел од групата Д од Евролигата.