Британскиот премиер Кир Стармер денеска предупреди дека рускиот претседател Владимир Путин ќе го прекрши секој мировен договор доколку Украина нема гаранции.
За време на посетата на воената база во близина на Лондон, Стармер рече дека работата што ја вршат украинските сојузници за да се обезбеди мир е „клучна“, пишува Sky News.
„Минатиот викенд и двата викенди пред тоа, имавме групи меѓународни политички лидери кои се собраа за да обезбедиме политичко усогласување и колективен договор што треба да работиме заедно за да се осигураме дека секој договор што ќе биде направен е одбранлив“, рече тој.
Стармер претходно рече дека западните воени разговори денеска ќе се фокусираат на деталите од планот за поддршка на Украина, што е клучен чекор за да се осигура дека Западот може брзо да дејствува доколку се постигне мировен договор меѓу Киев и Москва.
Состанокот на воените планери од таканаречената „коалиција на волни“ на западните земји е втор таков состанок откако американскиот претседател Доналд Трамп ја изненади Европа со отворањето на разговорите со рускиот претседател Владимир Путин, објави Ројтерс.