Претседателот на Србија, Томислав Николиќ, денес ќе зборува на пленарното заседание во Парламентарното собрание на Советот на Европа (СЕ), а во текот на претстојот во Стразбур ќе има и низа средби со официјални лица на СЕ.
Тој ќе се сретне со претседателот на Парламентарното собрание на СЕ, Жан Клод Мињон и заменикот на генералниот секретар на СЕ, Габриела Батаин Драгон.
Српскиот претседател ќе разговара и со шефовите на политичките групи во Советот на Европа и со градоначалникот на Стразбур, Ролан Риом.
Во државната делегација на Србија која што претстојува во Стразбур, помеѓу остнатите се и српскиот амбасадор при Советот на Европа, Зоран Поповиќ и советникот на претседателот Марко Ѓуриќ, наведува службата за соработка со медиумите на Србија.
Елена Георгиевска