Кочанскиот градоначалник во оставка дава исказ во Обвинителството

Од:

Градоначалникот на Кочани, кој денеска си поднесе неотповиклива оставка, попладнево бил на сослушување пред обвинител во ОЈО Кочани во истрагата за пожарот во дискотеката во којшто животот го загубија 59 лица, а повеќе од 150 се повредени.

– Во моментов градоначалникот на општината е во зградата и дава исказ, одговори на прес-конференција во Кочани јавниот обвинител Љупчо Коцевски кој рече дека во моментот не може да потврди дека и тој е меѓу осомничените.

Претходно Коцевски кажа дека во Основниот суд во Кочани се држат рочишта по однос на предлозите за краткотраен притвор.

Државниот јавен обвинител Љупчо Коцевски исто така соопшти дека во врска со несреќата во ноќниот клуб „Пулс“ во Кочани во која животот го загубија 59 лица се работи на итно процесуирање на 14 осомничени.

Тој информираше дека се сомничат за „тешки дела против општа сигурност“ по член 292 од Кривичниот законик со казна затвор од најмалку три години без горна граница на казнување, што може да се движи до 20 години. Воедно, рече дека се испитуваат дејствија на примање и давање поткуп како и незаконска набавка на пиротехнички средства.

Би можело да ве интересира

Ниту ВМРО, ниту свети ВМРО нема да му помогнело на градоначалникот на Кочани ако имал вина, тврди премиерот

Тројцата пациенти се во критична, но стабилна состојба објави директорката на Одделот за изгореници на солунската болница

Премиерот вели дека не прави ПР со посетите на повредените: Ги почитувам протоколите

Катерина Ѓуровски

Нов студентски собир: На жртвите од кочанската трагедија им се оддаде почит на кампусот на техничките факултети

Романија: Преживеани од пожарот во диското „Колектив“ нудат помош за настраданите во Кочани

Претрес во Општина Кочани, се одзема документација поврзана со дискотеката „Пулс“