Трошоците за транспорт и сместување на семејствата кои имаат повредени во трагедијата во Кочани ќе ги плати Владата

Од:

Трошоците за транспорт и сместување на семејствата кои имаат повредени во трагедијата во Кочани, а кои се хоспитализирани во странство, ќе ги покрие Владата. Одлуката, како што изјави попладнево на прес-конференција владината портпаролка, ќе биде донесена на утрешната владина седница.

Граѓаните можат да се обратат на телефонскиот број 070270370 за подетални информации и подобра координација.

– Ги повикуваме сите семејства да ја искористат оваа линија за да можеме ефикасно како Влада да ја организираме поддршката што ним им е најпотребна. Ова е време на солидарност и за акција. Владата останува посветена да стои покрај секое засегнато семејство давајќи не само зборови за поддршка, туку и вистинска опиплива помош во најтешките моменти, рече портпаролката на Владата Марија Митева.

Службата за општи и заеднички работи преку соопштение изрази сочувство до семејствата на настраданите во страотната трагедија во Кочани.

– Овој број е достапен за сите на кои им е потребна поддршка при организирањето транспорт и сместување во насока на обезбедување бесплатна, брза и ефикасна помош. Во овие тешки моменти за семејствата на настраданите, веруваме дека поддршката од овој тип ќе им биде добредојдена како не би се соочувале со дополнителни трошоци и ресурси, наведоа од СОЗР.

Би можело да ве интересира

Тројца тешко повредени од пожарот во Кочани заминаа на лекување во Атина

Горан Наумовски

Папазов ќе чека одлука на Обвинителството за неговиот натамошен статус

Горан Наумовски

Министерството за здравство со нови информации за бројот на хоспитализирани пациенти и нивната состојба

Вучиќ: Им стоиме на располагање на нашите браќа Македонци, подготвени сме да прифатиме повеќе луѓе

Горан Наумовски

Авион на грчкото воено воздухопловство вечерва од Скопје ќе пренесе во Атина тројца повредени

ВИДЕО: Драматични снимки од Белград: Пристигнаа уште 12 пациенти повредени во пожарот

Горан Наумовски