Почекајте да видите што се ќе открие истрагата за трагедија во Кочани, вели Мицкоски

Од:

Јасна е одговорноста на институциите во минатото. Имаме фалсификувана лиценца за работа. Почекајте да видите што се ќе открие истрагата, изјави денеска премиерот Христијан Мицкоски во врска со трагичната несреќа што се случи во Кочани во која загинаа 59 лица.

Коментрајќи ја оставката на градоначалникот на Кочани, Мицкоски рече дека градоначалникот имал доблест да си поднесе оставка, но дека одговорноста на општината во случајот со објектот е само во делот на комуналните инспектори.

– Објектот прво добил дозвола за градба, а потоа во 2014 година е дооформена таа парцела. Општината има ингеренции во делот на комуналните инспектори, односно да провери ако има тараса, дали таа одговора согласно елаборатот. Јасна е одговороста на институциите. Имаме фалсификувана лиценца за работа за кеш. Почекајте да видите што се ќе открие истрагата, изјави Мицкоски.

Повтори дека прифаќа одговорност доколку тоа е желба на поединци, но дека тоа ќе го стори откако ќе ги порази сите оние што на криминален начин дозволиле да се случи ова.

– Ја прифаќам одговорноста ако јас сум проблемот во оваа држава и ако тоа е желба на некои поединци, но нема да го имаат тоа задоволство додека не ги поразиме сите оние што на криминален начин го направија тоа што го направија, а потоа ќе одиме на избори и граѓаните ќе кажат кој ќе сноси одговорност и кој ќе оди во затвор, рече Мицкоски, кој заедно со министерот за здравство денеска ги посети повредените во пожарот во Кочани што се хоспитализирани на Клиничкиот центар во Скопје.

Би можело да ве интересира

ВИДЕО: За да потсети на голготата на настраданите во Кочани, момче се залепи за бандера во Скопје

Родителите на загинатите во „Пулс“ ќе одат и на меѓународни судови за да добијат вистинска правда

Немам пристисоци за истрагата за Кочани тврди обвинителот Коцевски, најавува обвиненија следниот месец

Мурал со ликот на Андреј од ДНК во скопската населба Аеродром

ДУИ: Мицкоски е политичар кој ја има изградено својата кариера врз омраза, исклучивост и национализам

Горан Наумовски

За Мицкоски е неприфатливо ако Таравари се договара со ДУИ