Мицкоски: Да се обединиме за да се помогне и да се ублажи болката во овие тешки моменти

Од:

Премиерот Христијан Мицкоски на социјалните мрежи се огласи по повод трагедијата во Кочани. Вели народот и владата ќе направат се во овие тешки моменти.

– Со длабока тага ја примив веста за страшната трагедија во Кочани. Ова е тежок и многу тажен ден за Македонија! Загубата на толку многу млади животи е ненадоместлива, а болката на семејствата, на најблиските и пријателите е неизмерна.

Во овие моменти на длабока тага, нашите мисли се со оние што ги загубија своите сакани. На повредените им посакувам брзо закрепнување, а на семејствата на загинатите – сила да ја издржат оваа незамислива загуба. Народот и Владата ќе направат сè што е во нивна можност барем малку да ја ублажат нивната болка и да им помогнат во овие најтешки мигови.

Ги повикувам сите надлежни институции – здравствените служби, полицијата, локалните власти – да преземат итни мерки за помош на повредените и поддршка на погодените семејства. Владата е целосно мобилизирана и ќе направи сè што е потребно за справување со последиците и утврдување на причините за оваа трагедија.

Во текот на денот, по согледување на околностите од надлежните институции ќе и’ се обратам на јавноста со повеќе информации за преземените чекори.

Во овие времиња на длабока тага, кога нашите срца се скршени од болка поради оваа ужасна трагедија, повикувам на заедништво, сплотеност, хуманост и одговорност.

Бог да биде со семејствата на жртвите и повредените и со народот на Македонија, порача Премиерот.

Би можело да ве интересира

Муцунски ќе предложи на членовите на семејствата да им бидат покриени трошоците за пат и престој

Ќе биде отворена сметка за донации за Кочани, денеска ќе се знае како помошта ќе биде канализирана

Студентите се собраа на заеднички час во чест на жртвите од трагедијата во Кочани

Катерина Ѓуровски

Во Бугарија утре Ден на жалост во знак на солидарност со Македонија

Градоначалникот на Кочани поднесе оставка

Катерина Ѓуровски

Градоначалникот на Кочани бил повикан на разговор во полиција.