Џенифер Лопез и Бен Афлек официјално се разведоа, објави Врховниот суд на округот Лос Анџелес.
Кога стана официјално дека Џенифер Лопез поднела барање за развод од Бен Афлек, многумина очекуваа долг и комплициран процес поради немањето предбрачен договор. Сепак, тоа не беше случај.
Пред само неколку дена беше откриено дека поранешната двојка се договорила и остануваат само неколку недели до официјализирање на крајот на нивниот краток брак.
Рокот сега помина, бидејќи тие и официјално се прогласени за сингл.
Судијата ја одобри спогодбата за развод на поранешната двојка на 6 јануари, а таа требаше да стапи на сила минатиот петок, по шест месеци што ги бара законот во Калифорнија од моментот кога пејачката поднесе барање за развод.
Според агенцијата, во документот се посочува дека тие постигнале договор со посредство во септември, за да се избегне долготрајната битка што ја имаа другите познати личности.
Бен и Џенифер, кои претходно беа пар во раните 2000-ти, повторно ја разгореа својата романса во 2021 година, која брзо стана сериозна.
Актерите се венчаа на интимна церемонија во Лас Вегас во јули 2022 година, а подоцна прославија спектакуларна свадба во Џорџија пред пријателите и семејството на 20 август 2022 година.
Сепак, оваа љубовна приказна која инспирираше многумина не траеше долго. Џенифер поднесе барање за развод точно две години по церемонијата во Џорџија, наведувајќи го 26 април 2024 година како датум на разделба од Бен и наведувајќи ги непомирливите разлики.
Минатиот месец, кога беше објавена спогодбата за развод на поранешната двојка, ТМЗ објави дека и Бен и Џенифер „ќе си заминат со она што поединечно го заработиле за време на бракот. Парите што Бен ги заработил од неговите различни филмски проекти се негови, а исто така и она што Џенифер го заработила за време на нејзините две години брак, а ниту еден нема да плаќа алиментација на другиот“.
Беше откриено и дека Џенифер ќе престане да го користи Афлек како нејзино презиме и дека таа и актерот постигнале договор во врска со нивната вила на Беверли Хилс, која ја купија во 2023 година за повеќе од 60 милиони долари и ја ставија на продажба во 2024 година за 68 милиони долари. Иако условите во тоа време беа доверливи, неколку недели подоцна се покажа дека поранешната двојка ќе ја подели добивката од продажбата штом ќе биде завршена.
Правните документи на кои се повикува People наведуваат дека двојката ќе ја подели конечната продажна цена на домот, иако износите и процентот што секој ќе ги добие не беа наведени.