Ситуацијата во Санторини станува се посериозна бидејќи областа е погодена од два нови, најсилни земјотреси до сега, со јачина од 4,8 и 4,9 степени според Рихтеровата скала. Само денеска се регистрирани повеќе од 34 земјотреси, над 220 во изминатите три дена, а од првите помали земјотреси пред десет дена, вкупно 550.
Кризниот штаб ги повикува жителите да избегнуваат паника, но овие апели допираат само до мал дел од жителите на островот. Стотици луѓе се обидуваат по секоја цена да се качат на траекти или навреме да избегаат со итни летови кои поскапеа за 100 отсто и чинат 200 евра во еден правец. Се зголемува притисокот врз пристанишните власти, па во текот на ноќта се очекуваат итни фериботи. Редот на автомобили и луѓе со чанти и неопходни работи е се поголем од час во час.