Фудбалскиот клуб Брајтон ја одби понудата на Ал Наср од 65 милиони евра за јапонскиот репрезентативец Каору Митома, јавува вечерва „Би-Би-Си“.
Британските медиуми пренесуваат дека раководството на Брајтон ја одбило понудата од Саудиска Арабија, бидејќи во моментов не се заинтересирани за продажба на Митома, кој е еден од најдобрите играчи на англискиот клуб.
Сепак, се очекува во следните 24 часа челниците на Ал Наср да му испратат на англискиот клуб нова понуда, побогата, за јапонскиот репрезентативец.
Митома (27) има договор со Брајтон до 30 јуни 2027 година. Во Брајтон пристигна во 2021 година.
Јапонскиот фудбалер одигра 92 натпревари за клубот во сите натпреварувања и постигна 18 голови.