Симпсонови важи за серија која е заслужна за предвидување на многу настани низ годините, па се чини дека и овојпат ги предвидоа актуелните пожари.
Шумските пожари кои се шират предизвикуваат многу теории на заговор за тоа како започнале. Еден корисник на TikTok објави дел од епизодата од Симпсонови на својот профил за која тврди дека била предвидување за пожарите што сега ги доживуваат жителите на Лос Анџелес.
„Во епизодата 12 од 18-та сезона со наслов „Мало големо девојче“, Спрингфилд се соочува со разорен шумски пожар што им се заканува на градот и неговите жители“, се вели во видеото.
Исто така, во истата епизода, Барт во една од неговите шеги предизвикува пожар кој брзо излегува од контрола.
@twinski.tv The Simpsons predicted the 2025 California wildfire.#simpsons #simpsonspredictions #simpsonsfan #prediction #mattgroening #wildfire #california #hollywood #fire #losangeles #breakingnews #foxnews #evacuate #rescue #fyp #fypシ #foryoupage #viralvideo #goviral #explore #pov #palisadesfire #fyppppppppppppppppppppppp ♬ original sound – twinski.tv
Објаснувајќи ја епизодата, нараторот изјави во видеото на TikTok: „Сцените во оваа епизода се слични на неодамнешните настани. Шумските пожари се шират низ различни региони, уништени имоти и напорите на пожарникарите да го локализираат пожарот, сето тоа се случува сега“.
Кон крајот на снимањето, тој изјави дека не е сигурен дали тоа е навистина случајност или дали ова е уште едно предвидување на Симпсонови.
Под објавата многу корисници ги споделија своите мислења и напишаа: „Како го знаеја сето ова“, „Повторно го предвидоа“, „Симпсонови треба да направат епизода за светскиот мир, за да може и тоа да се оствари“, Симпсонови веќе го направија сето ова, знаеја“.
Повеќе од 100.000 луѓе досега се евакуирани од погодените области во Лос Анџелес бидејќи шумските пожари продолжуваат да растат поради силните ветрови. Пожарите уништија речиси 30.000 хектари земја, оставајќи илјадници објекти во урнатини.