Главната турска опозициска партија, Републиканската народна партија (ЦХП) упати критики на сметка на новиот „пакет за демократизација“, што денеска го промовираше турскиот премиер Реџеп Тајип Ердоган.
Пратеникот на оваа партија Ајман Ѓулер истакна дека „пакетот е сериозен удар врз секуларната турска република“.
Потпретседателот на ЦХП, Ѓурсел Текин, пак изрази длабоко разочарување од мерките, нагласувајќи дека реформите се „далеку од очекувањата на народот“.
Друг пратеник на ЦХП упати критики кон Владата и поради тоа што во пакетот не се предвидени права за алевитите, како и за останатите граѓани.
Лидерот на ЦХП, Кемал Калачдароглу изјави дека утре ќе се изјасни во врска со содржината на пакетот за демократизација.