Претседателот на Србија, Томислав Николиќ му пренел на генералниот секретар на ОН, Бан Ки Мун дека Србија ќе бара разговори со властите во Приштина да се водат во присуство на Обединетите нации.
Тој му кажал на Бан Ки Мун дека Обединетите нации треба да имаат поактивна улога во борбата за зачувување на принципите на меѓународното право, територијалниот интигритет и суверенитет на меѓународно признатите држави-членки на ОН, како и во почитувањето на резолуцијата 1244 на Советот за безбедност.
Николиќ уште еднаш ги повика сите меѓународни фактори на Косово, меѓу нив и ОН да ја извршуваат својата функција во согласност со мандатот.