Вчера, во просторот пред урбаната заедница “Дане Крапчев“ во Општина Центар, “Јадро“ – Асоцијацијата за независна културна сцена во соработка со Општина Центар ја оддржа целодневната акција наречена “Исчезнатиот двор“.
Беа одржани повеќе работилници, турнир во “серва“, играње шах на отворено, свои презентации имаа архитекти, “Урбан инкубатор“ од Белград, проекции на филмови, беа реализирани уметнички проекти.
Се готвеше на отворено, се разговараше и се разменуваа информации во врска со тоа како да се заживее маалскиот ќивот и да се врати во функција “исчезнатиот двор“.
Се потврди на дело дека е од исклучително значење соработката на групи од независната културна сцена со Општина Центар и дека треба да се продолжи оваа суштинска и ретка иницијатива за партнерство помеѓу јавниот и граѓанскиот сектор.
Жителите на околните згради се вклучија во настанот и ова е за сите нас потврда дека треба да продолжиме со слични акции за нова вредност во живеењето на граѓаните.