Во Археолошкиот музеј на Македонија (нов објект) денеска ќе се одржи средба помеѓу Dr. Phillip Niewohner, Prof. Andrew Wilson и Prof. Mark Pollard, професори од Универзитетот Оксфорд и проф. д-р Виктор Лилчиќ, директор на Управата за заштита на културното наследство.
На средбата ќе присуствуваат и Весела Честоева, директорка на Археолошкиот музеј на Македонија и проф. Славица Вајт, директорка на фондацијата „Кирил Трајковски“.
Иницијативата за посета на Македонија од страна на професорите од Оксфорд е на фондацијата „Кирил Трајковски“, а се реализира во соработка со Управата за заштита на културниото наследство и Археолошкиот музеј. Целта е размена на искуства и соработка со универзитетот Оксфорд.
За време на престојот кој треба да трае до 3 октомври, професорите од Оксфорд ќе посетат повеќе македонски градови, археолошки локалитети, сакрални споменици и други културни богатстава.