Режимот на Башар ал Асад е соборен, а тој побегна во Москва. Асад пристигна во Москва вчера вечер, откако руското Министерство за надворешни работи објави дека доброволно одлучил да поднесе оставка и да ја напушти Сирија, оставајќи им на властите во Дамаск наредба мирно да им ја предадат власта на бунтовничките групи кои сега го контролираат сирискиот главен град.
Бунтовниците во Дамаск, но и во амбасадите ширум светот закачија нови сириски знамиња. Дури и амбасадата во Москва го крена новото сириско знаме.
Новото знаме се состои од зелена, бела и црна боја. Во средината, на бела позадина, има три ѕвезди.
Претходното сириско знаме имаше црвена боја на врвот наместо зелена. Покрај тоа, претходното знаме имаше две зелени ѕвезди.